ऊर्जा खबर
काठमाडौं । शुभम पावर लिमिटेडले श्रम स्वीकृत लिई विदेशमा काम गर्न बसेका नेपाली श्रमिकको लागि सेयर आवेदन खुल्ला गरेको छ । कम्पनीले वैदेशिक रोजगारीमा रहेका नेपालीहरुका लागि ५८ हजार ५८ कित्ता सेयर आवेदन खुल्ला गरेको हो ।
सर्वसाधरणका लागि छुट्याएको ५ करोड ८० लाख ५८ हजार रुपैयाँ बराबरकाे सय रुपैयाँ अंकित ५ लाख ८० हजार ५ सय ८० कित्ता सेयरमध्ये १० प्रतिशत हुन आउने अर्थात ५८ हजार ५८ कित्ता सेयर निष्कासन गरेको कम्पनीले जनाएको छ । कम्पनीका अनुसार सर्वसाधरणका लागि जारी पुँजीको २० करोड मध्येको २० प्रतिशत अर्थात ४ करोड रमक बराबरको ४ लाख कित्ता छुट्याएको हाे।
कम्पनीले स्थानीयमा अवितरित १ लाख ५० हजार ५ सय ८० कित्ता थप गरी कुल ५ लाख ८० हजार ५ सय ८० को १० प्रतिशत सेयर वैदेशिक रोजगारीमा रहेको नेपाली नागरिका लागि निष्कासन गरेको कम्पनीले जनाएको छ ।
नेपाली नागरिकले आवेदन दिँदा १० कित्ता देखि ५ हजार कित्तासम्म आवेदन दिन पाउनेछन् । आवेदकले पुस २० गतेसम्म आवेदन दिन सक्नेछन् । कम्पनीकाे सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक तोकिएको छ ।
.jpg)
