ऊर्जा खबर
काठमाडौं । राधी विद्युत कम्पनी लिमिटेडले ४.७५ प्रतिशतका दरले बोनस सेयर र लाभांश दिने भएको छ । सञ्चालनक समितिको पुस ५ गते बसेको बैठकले आफ्ना सेयरधनी सदस्यलाई बोनस सेयर र लाभांश दिने निर्णय गरेको हो ।
कम्पनीका अनुसार २०७८/७९ को वार्षिक प्रतिवेदन, नाफा/नोक्सान, हिसाब, नगद प्रवाह लगायत विषयमा छलफल गरि पारित गर्नेछ । साथै, २०७९/८० लेखापरीक्षक नियुक्त गरी पारिश्रामिक समेत निर्धारण गरी गर्ने जनाइएको छ ।
कम्पनीले चुक्ता पुँजीको ०.२५ प्रतिशतका दरले नगद लाभांश पनि प्रस्ताव पारित गर्नेछ । कम्पनीले प्रस्ताव पारित गर्न पुस २८ गतेको लागि साधारण सभा आह्वान गरेको छ । सभाबाट प्रस्ताव पारित हुने लगतै सेयरधनी सदस्यलाई बोनस सेयर र नगद लाभांश वितरण गर्ने पनि कम्पनी जानकारी दिएको छ ।
कम्पनीले आयोजना गरेको सधारण सभा पुस २८ गते कम्पनीको कार्यालय त्रिपुरेश्वरमा विहान ११ बजेबाट सुरु हुनेछ ।
