ऊर्जा खबर
काठमाडाैं । नेपाल–भारत ९ औं जलस्रोत सचिवस्तरीय संयुक्त बैठक (जेसिडब्लूआर) वार्ता बुधबार काठमाडौंमा सुरु भएको छ । तीन दिने यस बैठकले दुई देशबीचका जलस्रोत सम्बन्धी विभिन्न मुद्दाहरूमा छलफल प्रारम्भ गरेको छ ।
बुधबारको सहसचिवस्तर (जेएसटिसी) बैठकमा द्धिपक्षीय गण्डक सम्झौता, कोशी सम्झौता र महाकाली सम्झौता अन्तर्गतका विभिन्न आयोजनाहरुको बारेमा छलफल
केन्द्रीत रहेको ऊर्जा, जलस्रोत तथा सिँचाइ मन्त्रालयका प्रवक्ता मधुप्रसाद भेटुवालले जानकारी दिए । बिहीबार जारी रहने जेएसटिसी बैठकमा पनि यिनै विषयवस्तु लगायत अन्य जलस्रोतका क्षेत्रहरुमा अझ ब्यापक छलफल हुने भेटुवालले बताए ।
जलस्रोत सचिवस्तरीय संयुक्त बैठक शुक्रबार बस्दै छ । उक्त बैठकले बुधबार र बिहिबार भएका छलफलको निष्कर्षलाई अन्तिम टुंगो लगाउने छ ।
