पिपुल्स पावरको सेयर आवेदन दिने आज अन्तिम दिन

काठमाडौं । पिपुल्स पावर कम्पनीको सेयर आवेदन दिने आज अन्तिम दिन हो । कम्पनीले आसार ८ गतेदेखि आयोजना प्रभावित स्थानीयका लागि खुल्ला गरेको सेयर आवेदन अवधि आज बेलुकी ५ बजेबाट सकिन लागेको हो । 

सय रुपैयँ अंकित ६ करोड ३२ लाख ६० हजार रुपैयाँ बराबरको ६ लाख ३२ हजार ६ कित्ता साधारण सेयर निष्कासन गरिएको कम्पनीले जनाएको छ । कम्पनीका अनुसार निष्कासन हुने सेयर मध्ये जिल्लाका इलाम नगरपालिका वडा नम्बर १ र ४ अतिप्रभावित क्षेत्रका बासिन्दाका लािग १ लाख ८९ हजार ७ सय ८० कित्ता सेयर छुट्याएको छ । 

यस्तै, बाँकी ४ लाख ४२ हजार ८ सय २० कित्ता सेयर जिल्लाभरीका बासिन्दाहरुले आवेदन दिन सक्नेछन् । 

स्थानीयले न्यूनतम १० कित्तादेखि अधिकतम ५० लाख कित्तासम्मका लागि आवेदन दिन सक्नेछन् । कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकेको छ । 

स्थानीयले नेपाल बंगलादेश बैंकको फिक्कल शाखा, प्रभु बैंकको सन्दकपुर र इलाम शाखा, ग्लोबल आइएमइ बैंकका फिक्कल र इलाम शाखा, प्राइम कमर्शिल बैंकको राँके, मंगलबारे, वितौले, तिनघरे र इलाम शाखाकार्यलायबाट आवेदन दिन सक्नेछन् । साथै, आस्वा सेवामा सहभागि सम्पूर्ण बैंक तथा वित्तिय संस्थाबाट आवेदन दिन सकिनेछ ।