ऊर्जा खबर
काठमाडौँ । बाजुराको बडीमालिकादेखि कोल्टीसम्म ३३ केभी क्षमताको वितरण लाइन निर्माण हुने भएको छ । नेपाल विद्युत् प्राधिकरणले निर्माण गर्न लागेको उक्त वितरण लाइनको लम्बाइ २७.२४ किलोमिटर हुने छ । लाइन निर्माणका लागि अनुमति माग गर्दै प्राधिकरणले विद्युत् विकास विभागमा आवेदन दिएको छ ।
बडीमालिका नगरपालिका–९ मा निर्माणाधीन मार्तडी सबस्टेसनदेखि बुढीनन्दा नगरपालिका–१ मा निर्माण हुने ३ एमभीए क्षपताको ३३÷११ केभी कोल्टी सबस्टेसनसम्म लाइन निर्माृण गरिने प्राधिकरणले जनाएको छ ।
उक्त सिङ्गल सर्किट लाइनबाट १३.४ मेगावाटसम्मको विद्युत शक्ति प्रवाह गर्न सकिने छ ।
यही लाइन आयोजना अन्तर्गत बडीमालिका नगरपालिका र बुढीनन्दा नगरपालिकामा ११ केभी र लो भोल्टेजका वितरण लाइनहरू समेत निर्माण गरिने भएको छ ।
जम्मा ७२० वटा स्टिल टोबुलर पोलहरू रहने लाइनमा पोलको उचाइ १३ मिटर तथा पोलहरू बीचको औसत दूरी ५० मिटर हुनेछ । त्यस्तै, आयोजनाको पोल तथा वितरण लाइन निर्माण गर्न राइट अफ वे र फाउन्डेसनका लागि १७.००४ हेक्टर जग्गा आवश्यकता हुने प्राधिकरणले जनाएको छ ।
वितरण लाइन आयोजनाको निर्माण १२ महिनाभित्र सक्ने लक्ष्य रहेको छ ।
.jpg)
