ऊर्जा खबर
काठमाडौं । लमजुङमा २५ मेगावाटको माथिल्लो दोर्दी –ए जलविद्युत आयोजना निर्माण गरी सञ्चालन गरिरहेको लिवर्टी इनर्जी कम्पनी लिमिटेडले विद्युत बिक्रीबाट १३ करोड रुपैयाँ आम्दानी गरेको छ । कम्पनीले सार्वजनिक गरेको वित्तीय विवरण अनुसार आर्थिक वर्ष (आव) २०७९/८० को तेस्रो त्रैमाससम्ममा सो आम्दानी गरेको हो ।
चालु आवको मंसिरदेखि चैतसम्मको अवधिमा १३ करोड ११ लाख ५५ हजार रुपैयाँ आम्दानी गरेको कम्पनीले जनाएको छ । कम्पनीले साढे ४ महिनाको अवधिमा सो आम्दानी गरेको हो ।
सार्वजनिक वित्तीय विवरण अनुसार यो अवधिमा कम्पनी ७ करोड ९९ लाख ८५ हजार ५ सय रुपैयाँले घाटामा देखिएको छ । कम्पनीको घाटा गत वर्षको तुलनामा बढेको हो । गत वर्ष १ करोड ९९ लाख १८ हजार ६ सय रुपैयाँले घाटामा थियो ।
कम्पनीले लमजुङमा निर्माण सम्पन्न गरेको २५ मेगावाटको माथिल्लो दोर्दी –ए जलविद्युत आयोजनाले २०७९ मंसिर १७ गतेदखि निरन्तर विद्युत उत्पादन गरिरहेको छ
.jpg)
