आइएमई र वान प्वाइन्ट फाइनान्सियलबीच ‘रेमिट स्विच’ सम्झौता 

काठमाडौँ । आइएमई लिमिटेड र बैंक तथा वित्तीय संस्थालाई ‘एपी आई म्यानेजमेन्ट सिस्टम (एपीआईएमएस)’ उपलब्ध गराइरहेको वान प्वाइन्ट फाइनान्सियल सर्भिसेसबीच सम्झौता भएको छ । रेमिटेन्स सम्बन्धी सेवालाई थप स्वचालित बनाउन ‘रेमिट स्विच’ समझदारी भएको हो । समझदारीपत्रमा आइएमईका तर्फबाट प्रमुख कार्यकारी अधिकृत खिलेन्द्र पौडेल र वान प्वाइन्टका तर्फबाट पनि प्रमुख कार्यकारी अधिकृत प्रताप श्रेष्ठले हस्ताक्षर गरे ।

सम्झौताअनुसार आइएमईलाई वान प्वाइन्टले ‘रेमिट स्विच’ प्रदान गर्नेछ । अन्तर्राष्ट्रिय स्तरमा भइरहेको अभ्यास अनुसार सबै आन्तरिक र बाह्य प्रणालीको एकीकरणलाई सरल बनाउने सोही ‘रेमिट स्विच’ मार्फत ओपन एपिआइ स्ट्याण्डर्ड फलो गरिने छ । यो मार्फत प्रदान हुने एपिआइको परीक्षण तथा एकीकरण गर्न आन्तरिक र बाह्य खुल्ला परीक्षण हुने छ ।

रेमिटेन्स सेवालाई प्रत्येक नेपालीको पहुँचसम्म पुर्‍याउन प्रतिवद्ध यस सेवालाई अझै सहज बनाउन नँया–नयाँ प्रविधिलाई पछ्याउँदै फिनटेक क्षेत्रमा पनि अब्बल साबित गरेको छ । वित्तीय सेवाको तीव्र डिजिटलाइजेसन अवस्थालाई आत्मसाथ गर्दै थप परिस्कृत प्रणालीको प्रयोगले रेमिटेन्स सेवालाई थप चुस्त तथा भरपर्दो बनाउन यो साझेदारी महत्वपूर्ण हुने विश्वास लिएको पौडेलले बताइ ।

बैंक तथा वित्तीय संस्थाको डिजिटल भुक्तानी पुूर्वाधारलाई सबल, सक्षम बनाउन सहयोग गर्दै आएको वान प्वाइन्टले सुरक्षित र विश्वसनीय डिजीटल प्रणाली तथा प्लेटफर्म उपलब्ध गराउँदै आएको छ ।