ऊर्जा खबर
काठमाडौं । अख्तियार दुरूपयोग अनुसन्धान आयोगले सेवाग्राहीबाट घुस लिने रामेछाप खानेपानी तथा सरसफाइ डिभिजन कार्यालयका इन्जिनियरलाई नियन्त्रणमा दिएको छ । अख्तियारले खानेपानीसम्बन्धी कामको भुक्तानीबापत सेवाग्राहीसँग घुस लिने इन्जिनीयर (आठौँ तह) नवराज सत्याल र करारमा कार्यरत पलम्बर बखतबहादुर थापालाई नियन्त्रणमा लिएको हो ।
उनीहरूलाई १६ लाख नगद र १२ लाख ( जम्मा २७ लाख) रुपैैयाँको चेकसहित नियन्त्रणमा लिएर कारबाही प्रक्रिया अघि बढाइएको अख्तियारले जनाएको छ । अख्तियारका अनुसार उनीहरूले खानेपानीसम्बन्धी कामको भुक्तानीबापत सेवाग्राहीसँग घुस माग गरिरहेको भन्ने सूचनाका आधारमा अख्तियार दुरुपयोग अनुसन्धान आयोग, टङ्गालबाट खटिएको टोलीले पक्राउ गरेको हो ।
उनीहरूलाई नगद चेक लिइसकेका अवस्थामा उक्त रकम र चेकसहित मन्थली–१ स्थित इञ्जिनीयरको निवासबाटै नियन्त्रणमा लिइ थप अनुसन्धान भइरहेको अख्तियारले जनाएको छ ।
