ऊर्जा खबर
काठमाडौं । नेपाल विद्युत प्राधिकरण बैतडी विद्युत केन्द्रले बैतडी क्षेत्रकाे विद्युत सेवा ४ दिनका लागि बन्द गरेको छ । वितरण केन्द्रले नयाँ सबस्टेसन जडान गर्नका लागि सेवा बन्द गरेको हो ।
आज बिहान (साेमबार) ७ बजेदेखि सेवा बन्द गरेर नया सबस्टेसन जडान गर्न प्राविधिक कर्मचारीहरूले काम सुरु गरेको केन्द्रले जनाएको छ । केन्द्रका अनुसार विद्युत सेवा आगामी बिहीबार (९ गते) सम्म बन्द हुनेछ ।
अहिले सबस्टेसन पूरानो भएर बत्ती जाने, ट्रिपिङ हुने जस्ता समस्याहरु देखिएकोले नयाँ सबस्टेसन राख्न लागिएकाे हाे । आगामी दिनहरुमा यस्ता समस्या नदेखिनका लागि नयाँ सबस्टेसन जडान गर्न लागिएको केन्द्रले जानकारी दिएको छ ।
केन्द्रमा नयाँ सबस्टेसन जडान गर्न ४ दिन समय लाग्नेछ । तोकिएको समय अगावै काम सम्पन्न भए निर्धारित समय अगावै सेवा सुरु गरिने पनि केन्द्रले जनाएको छ ।
