ऊर्जा खबर
काठमाडौं । सफा टेम्पुका आविष्कारक, इन्जिनियर तथा जलविद्युत उद्यमी विजयमान शेरचन ‘लाइफटाइम एचिपमेन्ट’ अवार्डबाट सम्मानित भएका छन् । नेपाल इन्जिनियरिङ एसोसियशन (एनइए) ले मंगलबार आयोजना गरेको ६० औ इन्जिनियरीङ दिवशको कार्यक्रमको अवसरमा शेरचन सम्मानित भएका हुन् ।
जलविद्युत तथा यातायातका क्षेत्रमा महत्वपूर्ण योगदान पुर्याएकोले शेरचनलाई कदर स्वरुप यो अवार्डबाट सम्मान गरिएको हो । शेरचन जलविद्युत आयोजना र सवारी प्रवर्द्धनमा सक्रिय छन् । उनले निर्माण गरेकाे ४.३६ मेगावाटको टुंगुन ठोस्ने, २ मेगावाटको खानी खोला जलविद्युत आयोजना सञ्चालनमा छन् । १४.९ मेगावाटको माया खोलाको काम भने अन्तिम चरणमा पुगेको छ ।
संखुवासभामा निर्माण भइरहेको आयोजना सम्पन्न गर्न २ अर्ब ५० करोड रुपैयाँ लागत अनुमान गरिएको छ । शेरचन सफा टेम्पोका प्रवर्द्धक हुन् । उनले नेपालमा पहिलोपटक ३ पाङग्रे सफा टेम्पो भित्र्याएका थिए । उनले डिजेल टेम्पो प्रतिस्थापन गर्न १९७८ तिर सफा टेम्पु ल्याएका थिए । नाकाबन्दीको समयमा डिजेल गाडी बन्द हुँदा सफा टेम्पोले नै सर्वसाधारणलाई सेवा दिएकाे थियाे ।
.jpg)