ऊर्जा खबर
काठमाडौँ । कुथेली बुखरी स्मल हाइड्रोपावर लिमिटेडले आफ्ना सेयरधनीलाई १० प्रतिशत बोनस सेयर वितरण गर्ने भएको छ । पुस २ गते बसेको सञ्चालक समितिको बैठकले उक्त निर्णय गरेको कम्पनीले जनाएको छ । कम्पनीले आगामी पुस २७ गते साधारणसभा बोलाएको छ । साधारणसभामा उक्त निर्णयलाई प्रस्तावका रूपमा पेश गरी परित गरिने जनाएको हो ।
कम्पनीले आर्थिक वर्ष २०८०/८१ को वितरणयोग्य मुनाफाबाट हाल कायम चुक्ता पुँजी १२ करोड १८ लाख ६७ हजार ५ सयको १० प्रतिशतले हुन आउने १ करोड २१ लाख ८६ हजार ७ सय ५० रुपैयाँ बराबरको बोनस सेयर वितरण गर्ने जनाएको छ । यसको कर प्रयोजनाका लागि चुक्ता पूँजीको ०.५२६३ प्रतिशत नगद लाभांश समेत वितरण गर्ने कम्पनीले जनाएको छ ।
साधारणसभामा संस्थापक समुहका ५ जना सञ्चालकको निर्वाचन तथा एक स्वतन्त्र सञ्चालकको नियुक्तिलाई अनुमोदन गर्ने प्रस्तावमाथि समेत छलफल हुने कमपनीले जनाएको छ ।
कम्पनीले दोलखामा ९९८ किलोवाटको सुस्पा बुखेरी खोला साना जलविद्युत् केन्द्र सञ्चालन गरिहेको छ ।
.jpg)
.jpg)
