ऊर्जा खबर
काडमाडौं । नेपाल स्टक एक्सचेन्ज (नेप्से) ८.९० अंकले बढेको छ । साताको चौथो दिन (बिहीबार) सेयर कारोबार बन्द हुँदा नेप्से बढेर २२७४.४२ बिन्दुमा पुगेको छ ।
सेयर कारोबार बन्द हुँदा नेप्से ०.३९ प्रतिशतले बढेको छ । नेप्से बढ्दा २२७ कम्पनीको ३१ लाख ५६ हजार ९ सय १३ कित्ता सेयर २७ हजार ५७ पटक सेयर किनबेच भएको छ । यी सेयर खरिद बिक्री हुँदा १ अर्ब ३२ करोड ६३ लाख २० हजार ३ सय ४६ रुपैयाँ बराबरको कारोबार भएको छ ।
नेप्से बढ्दा हाइड्रो पावर समूहको पनि सेयर कारोबार २.०८ प्रतिशतले बढेको छ । हाइड्रो पावरको सेयर कारोबार बढ्दा यो समूहको नेप्से परिसूचक २६१२.१३ बिन्दुमा पुगेको छ ।
यो समुहको १५ लाख ८० हजार ८२ कित्ता सेयर १० हजार ९ सय ३७ पटक किनबेच हुँदा ५९ करोड २९ लाख ४ सय ४४ रुपैयाँ बराबरको कारोबार भएको छ ।
बुधबार ५ समूहको सेयर कारोबार भने घटेको छ । नन लाइफ इन्स्योरेन्सको, म्यानुफ्याक्चर एण्ड प्रडक्सन, ट्रेडिङ, लाइफ इन्स्योरेन्स र म्यूचूअल फन्डको सेयर कारोबार घटेको छ ।
