ऊर्जा खबर
काठमाडौँ । कपिलवस्तुको शिवराज नगरपालिकाको वडा नम्बर ६ मा निर्माण अघि बढेको १५ मेगावाटको धरमनगर सोलार फार्म–२ आयोजना सम्पन्न गर्न १ अर्ब २० करोड रुपैयाँ लागत अनुमान गरिएको छ । पशुपति रिन्यूएबल्स प्रा.लिले अघि बढाएको आयोजना सम्पन्न गर्न उक्त लागत अनुमान गरिएको हो ।
कम्पनीले तयार पारेको वातावरणीय प्रभाव मूल्यांकन (इआइ) प्रतिवेदन अनुसार नगरपालिकाको धरमनगर तथा मजगवाँ गाउँ नजिकै १७ हेक्टर निजी जमिनलाई भाडामा लिई निर्माण गर्न लागिएको सौर्य आयोजना सम्पन्न गर्न १ अर्ब २० करोड रुपैयाँ लागत अनुमान गरिएको छ । यसका आधारमा आयोजनाको प्रतिमेगावाट लागत ८ करोड रुपैयाँ रहेको छ ।
style="text-align: justify;">आयोजनाको निर्माण सुरु भएको १२ महिनाभित्र सबै काम पूरा गर्ने योजना छ । यो आयोजना पूरा भएपछि औसत वार्षिक ३०.२ गिगावाट घण्टा विद्युत् उत्पादन हुनेछ । उत्पादीत विद्युत् ३३ केभी प्रसारण लाइनमार्फत २.९ किलोमिटर दुरीमा रहेको नेपाल विद्युत् प्राधिकरणको शिवपुर सबस्टेसनमा जोडिनेछ ।
यो आयोजनाको विद्युत् खरिद सम्झौता (पिपिए) सम्पन्न भइसकेको छ । प्राधिकरण र प्रवर्द्धकबीच गत मंसिरमा विद्युत् खरिद बिक्री गर्ने सम्झौता भएको थियो । पिपिए अनुसार प्राधिकरणले आयोजनाबाट उत्पादित विद्युत् २५ वर्षसम्म खरिद गर्नेछ ।
यही कम्पनीले १० मेगावाटको घरमनगर–१ को काम पनि अघि बढाएको छ ।
