ऊर्जा खबर
.jpg)
काठमाडौं । एनएमबि बैंकको नवौं हेरिटेज वाक कार्यक्रम सम्पन्न भएको छ । बैंकको २०७९ बैशाख ३ गते (शनिबार) एनएमबि बैंक, बबरमहलबाट शुरु भई बसन्तपुर डवली सम्म पुगि समापन हुने वाक कार्यक्रम सम्पन्न भएको हो । यो हेरिटेज वाक कोभिड १९ को प्रकोप पश्चात २ वर्ष पछि आयोजना गरिएको हो ।
समृद्ध नेपालको अपार सम्भावना सहित मुलुकको ऐतिहासिक तथा सामाजिक रुपान्तरणको लागी सांस्कृतिक सम्पदा प्रवद्र्धन तथा साक्षरता अभिवृद्धि गर्ने उद्देश्यले बैंकले गरिमामय समारोहको आयोजना गरेकोे हो ।
नेपाल हेरिटेज सोसाईटीको सहकार्यमा बसन्तपुर डवलीमा बैंकका कर्मचारी, सदस्य र युनेस्काको सदस्य तथा सर्वसाधारणहरु गरी लगभग ५ सय जनाको सहभागितामा प्ले कार्ड सहित कार्यक्रम सम्पन्न गरेको छ । कार्यक्रममा नेपाल हेरिटेज सोसाईटी तथा स्थानिय सिन्हा स्वान खलालाई डस्टविनहरु हस्तान्तरण पनि गरेकोे छ ।
सोही प्रकारको कार्यक्रम प्रदेश १, २, ४, ५, ६ र ७ मा समेत गरिएको छ । प्रदेश १ मा विराटनगर शाखा देखी पिण्डेश्वरी मंदिरसम्म, मधेस प्रदेशमा विरगंज शाखादेखी गहवा माई मंदिरसम्म, गण्डकी प्रदेशमा चिप्लेढुङ्गा शाखादेखी भद्रकाली मंदिरसम्म, प्रदे्रश ५ मा ट्राफिक चोक शाखादेखी जीतगढी किल्लासम्म र सुदूर पश्चिम प्रदेशमा बजार क्षेत्र परिक्रमा गरी विभिन्न मन्दिरहरु सरसफाई गरेको छ ।
उक्त हेरिटेज वाकमा साँस्कृतिक सम्पदालाई आफ्नो बच्चालाई जत्तिनै माया गरौं, यो मेरो साँस्कृतिक सम्पदा हो यसलाई म सफा राख्छु, साँस्कृतिक सम्पदा संरक्षण भावी सन्ततीको लागी मार्गदर्शन, अतिथीको सम्मानार्थ साँस्कृतिक सम्पदाको जगेर्ना लगायतका नारा अंकित प्ले कार्डहरु थियो ।
एनएमबि बैंकको प्रमुख कार्यकारी अधिकृत सुनिल केसीका अनुसार सांस्कृतिक सम्पदा हाम्रो राष्ट्रको गौरव हो, यसलाई संरक्षण गर्न हामीले हातेमालो गर्दै अगाडी बढ्नु पर्छ ।
एनएमबि बैंक नेपाल राष्ट्र बैंकबाट ‘क’ वर्गको इजाजत पत्र प्राप्त एक अग्रणी वित्तीय संस्था हो । एनएमबि बैंक द फाइनान्सियल टाइम्स लन्डनको ‘द ब्यान्कर’ पत्रिकाबाट एसियाकै सर्वाेत्कृष्ट बैंकको उपाधी ‘बैंक अफ द ईयर एसिया २०२१’ अवार्डबाट सम्मानित भएको छ । सन् २०१७, २०१८, २०२० र २०२१ मा पनि नेपालकै उत्कृष्ट बैंकको सम्मान ‘बैंक अफ द इयर नेपाल’ प्राप्त गरेको हो ।
बैंकले विगत २६ वर्ष देखी अनवरत रुपमा बैंकिङ्ग सेवा सुविधा प्रदान गर्दै आएको छ । हाल देशभरी २०१ शाखाहरु, १३९ एटीएमहरू, ११ एक्सटेन्सन काउन्टरहरू मार्फत उच्चस्तरीय बैंकिङ्ग सेवा प्रदान गर्दै आएको छ ।
