ऊर्जा खबर
काठमाडौँ । चिलिमे जलविद्युत् केन्द्रको सुरुङमा थप २ शव फेला परेका छन् । यो सँगै भेटिएका शवको सङ्ख्या ५ पुगेको छ । नेपाली सेना तथा प्राविधिकसहितको संयुक्त खोज टोलीले बुधबार अपरान्ह शव फेला पारेको चिलिमे जलविद्युत् कम्पनी लिमिटेडका प्रबन्ध निर्देशक बाबुराजा महर्जनले ऊर्जा खबरलाई बताए ।
उनका अनुसार ५ वटै शवलाई हेलिकोप्टरमार्फत नुवाकोटको त्रिशूली ल्याइएको छ । फेला परेका शवको पहिचान हुन बाँकी रहेको छ ।
भोटेकोशीमा भदौ १० गते आएको विनाशकारी बाढीपछि उक्त जलविद्युत् केन्द्रको विद्युत्गृहमा प्रवर्द्धक कम्पनीका ५ र नेपाली विद्युत् प्राधिकरणका १ सहित कुल ६ जना कर्मचारी सम्पर्कविहीन भएका थिए ।
