ऊर्जा खबर
काठमाडौं । भारतको आन्द्र प्रदेश राज्यले ३३ हजार मेगावाट बढीका जलविद्युत आयोजना निर्माण गर्ने भएको छ । आन्द्र प्रदेश ऊर्जा विभागले राज्यका विभिन्न जिल्लामा पम्प स्टोरेज जलविद्युत आयोजना निर्माण गर्ने योजना अघि सारेको हो ।
यी आयोजनाको कूल जडित क्षमता ३३ हजार २ सय ४० मेगावाट हुने विभागलाई उदृत गर्दै भारतीय सञ्चार माध्यमहरूले जनाएका छन । राज्य सरकारले जलविद्युत आयोजना निर्माणका लागि कडपा, कुर्नुल र अनन्तपुर जिल्लामा १.४५ हेक्टर जग्गाको टुंगो लगाएको छ ।
विभिन्न जिल्लामा प्रस्तावित पम्प स्टोरेज जलविद्युत आयोजना निर्माण सम्पन्न भई सञ्चालनमा आउँदा राज्यको विद्युत वितरणको अहिलेको अवस्थामा सुधार भई प्रणाली दिगो र गुणस्तरीय हुने राज्यका ऊर्जा सचिव श्रीकान्त नागुलापल्लीले बताए ।
यी आयोजनाले उत्पादन गर्ने विद्युतबाट राज्यको वितरण प्रणालीमा सुधार हुनुका साथै औद्योगिकरणमा पनि सहयोग पुग्ने उनले बताए । राज्य सरकारले विद्युतीय सवारी प्रवर्द्धन गर्न ‘गो इलेक्ट्रिक’ अभियान चलाइरहेको छ । विद्युतीय सवारी सञ्चालन सहज बनाउने विभिन्न स्थानमा १०९ वटा चार्जिङ स्टेसन पनि निर्माण भइरहेको छन् ।
उनले राज्यभरमा तथा मुख्य राजमार्ग क्षेत्रमा ४ सय वटा चार्जर रहने गरी थप चार्जिङ स्टेसन निर्माण गर्ने योजना रहेको बताए । राज्य सरकारले कृषिकका लागि दिनको समयमा निशुल्क ऊर्जा दिन वितरण लाइनहरूको मर्मत तथा स्तरोन्नति गरिएको छ । दिनको समयमा राज्यका १८ लाख कृषि कृषि पम्पसिटका लागि दिनको समयमा निशुल्क विद्युत दिने योजना छ ।
राज्य सरकारको विद्युत उत्पादन जडित क्षमता २५ हजार मेगावाट बढी छ । राज्यमा थर्मल प्लान्ट, जलविद्युत, सौर्य र वायु ऊर्जाका स्रोतबाट विद्युत उत्पादन हुँदै आएको छ ।
भारतीय समाचार एजेन्सीहरूको सहयोगमा अनुवाद
