ऊर्जा खबर
काठमाडौं । जनकपुर उपमहानगरपालिका वडा नम्बर २ को सिटी–३ फिडर अन्तरर्गत पर्ने क्षेत्रमा विद्युत सेवा बन्द भएको छ । नेपाल विद्युत प्राधिकरण, जनकपुर वितरण केन्द्रले विद्युतीय संरचना स्थानान्तरण गर्न बिहीबार (२ गते) उक्त क्षेत्रको विद्युत सेवा बन्द गरेको हो ।
केन्द्र अन्तर्गत जनकपुर उपमहानगरपालिका वडा नम्बर २ गिरिजा सिनेमा हल क्षेत्रमा निर्माणाधीन सडकको बीचमा पर्ने विद्युतीय संरचनालाई सडक किनारमा स्थानान्तरण गर्न विद्युत सेवा बन्द गरेको केन्द्रले जनाएको छ । केन्द्रको अनुसार सिटी ३ फिडर अन्तर्गत पर्ने कदम चोकदेखि जानकी बोर्डिङ स्कुल हुँदै गिरिजा सिनेमा हल, धनुषा साइन्स क्याम्पस देखि बकिल टोलसम्मको विद्युत सेवा बन्द गरिएको छ ।
केन्द्रले बिहान १० बजेदेखि ३ बजेसम्म सेवा बन्द गरि काम गर्ने जनाएको छ । तोकिएको समयअगावै काम पूरा भए निर्धारित तालिका अगावै सेवा सुरु गर्ने पनि प्राधिकरणले जनाएको छ ।
.jpg){kind=spacer}