ऊर्जा खबर
काठमाडौं । ऊर्जा, जलस्रोत तथा सिँचाइ मन्त्रालय अन्तर्गत कार्यरत ३ जना सचिवहरूको जिम्मेवारी हेरफेर गरिएको छ । यसअघि मन्त्रालयका सचिव दिनेशकुमार घिमिरेले पदबाट राजीनामा दिएपछि रिक्त पद पूर्ति तथा व्यवस्थापन गर्न जिम्मेवारी साटफेर गरिएको हो ।
मन्त्रालय अन्तर्गत २ सचिव (ऊर्जा र जलस्रोत तथा सिँचाइ) रहने व्यवस्था अनुसार घिमिरेले राजिनामा दिएपछि त्यस ठाँउमा सिँचाइमा कार्यरत गोपालप्रसाद सिग्देललाई जिम्मेवारी तोकिएको छ । यस्तै, जल तथा ऊर्जा आयोगको सचिवालयका सचिव सुशीलचन्द्र तिवारीलाई सिँचाइको जिम्मेवारी तोकिएको मन्त्रालयले जानकारी दिएको छ ।
यसैगरी, भर्खरै सचिवमा बढुवा भएकी सरिता दवाडीलाई तिवारीको ठाँउमा पदस्थापन गरिएको छ । उनी यसअघि मन्त्रालय अन्तर्गत जलस्रोत अनुसन्धान तथा विकास केन्द्रकी कार्यकारी निर्देशकमा कार्यरत थिइन् । उनले जलस्रोत तथा सिँचाइ विभागको करिब १० महिना महानिर्देशकको जिम्मेवारी पनि सम्हालेकी थिइन् ।
