ऊर्जा खबर
काठमाडाैं । कस्मिक इलेक्ट्रिकल इन्जिनियरिङ एसोसिएट प्रालि मुख्य कन्ट्रयाक्टर रहेको हिले र टुम्लिङटारको सबस्टेसनको निर्माण अन्तिम चरणमा पुगेको छ। हिले र टुम्लिङटार क्षेत्रको विद्युत आपूर्तिको गुणस्तर सुधार तथा विकास गर्ने उद्देश्यले निर्माण भएका सबस्टेसन अबको केही महिनामा चार्ज हुने अनुमान गरिएको ।
३३/११ के.भी, ६/८ एमभिए रहेको हिले सबस्टेसन र ३३/११ के.भी, ३ एम.भी.ए को टुम्लिङटार सबस्टेसनमा सिभिल सम्बन्धी सबै निर्माण कार्य समाप्त भइसकेको कम्पनीले जानकारी दिएकाे छ । इलेक्ट्रिकल उपकरण भारतबाट आयात हुने क्रममा रहेकाे हुँदा इलेक्ट्रिकल उपकरण जडानको काम बाँकी रहेको कस्मिक इलेक्ट्रिकलको साइट इन्जिनियर शैलेशकुमार यादवले बताए ।
इलेक्ट्रिकल उपकरण जडानका लागि उपकरणहरू भारतबाट आउनुपर्ने र यी उपकरण नेपाल भित्रिएर निर्माणस्थलमा पुगेपछि केही समयभित्र सबै काम पूरा हुने कस्मिकका प्रबन्ध निर्देशक महेश महतोले बताए । उनका अनुसार दुई महिनामा सम्पूर्ण उपकरण नेपाल आयात गरी सबस्टेसनमा जडान भइसक्ने छ ।
सबस्टेसनको निर्माणसँगै हिले र टुम्लिङटार क्षेत्रमा सुरक्षित प्रणालीको विकास, गुणस्तर विद्युत सेवा र आन्तरिक प्रसारण प्रसारण सुधार हुने अपेक्षा गरिएकाे छ । साथै, भोल्टेजमा स्थिरता हुनुका साथै, प्राविधिक चुहावट घट्ने प्राधिकरणकाे विश्वास छ ।
