ऊर्जा खबर
काठमाडौं । सिक्लेस हाइड्रो पावर कम्पनी लिमिटेडको साढे ११ लाख कित्ता सेयर आवेदन खुल्ला भएको छ । कम्पनीले कास्कीमा निर्माण सम्पन्न भएकाे १३ मेगावाटको मद्क्यु खोला जलविद्युत आयोजनाले सर्वसाधारणका लागि छुट्याएको साधारण सेयर निष्कासन गरेको हो ।
सय रुपैयाँ अंकित ११ करोड ५० लाख रुपैयाँ बराबरको ११ लाख ५० हजार कित्ता सेयर निष्कासन गरेको कम्पनीले जनाएको छ । कम्पनीका अनुसार ५ प्रतिशत हुन आउने अर्थात् ५७ हजार ५ सय कित्ता सेयर सामुहिक लगानी कोषका लागि र ३ प्रतिशत हुन आउने अर्थात ३४ हजार ५ सय कित्ता सेयर कम्पनीको कर्मचारीका लागि छुट्याएको छ । बाँकी, १० हजार ५८ सय कित्ता सेयर सार्वसाधारणका लागि निष्कासन गरिएको छ ।
सर्वसाधारणले न्यूनतम १० कित्तादेखि अधिकतम १ लाख कित्तासम्म आवेदन दिन पाउँछन् । आवेदकले छिटोमा असोज २ गतेसम्म र ढिलोमा असोज १२ गतेसम्म आवेदन दिन पाउनेछन् ।कम्पनीको सेयर निष्कासन गरी बाँडफाँड गर्न बिओके क्यापिटललाई बिक्री प्रबन्ध तोकिएको छ ।
कम्पनीले पहिलो चरणमा स्थानीयका लागि सेयर निष्कासन गरी बाँडफाँड गरिसकेको छ । कास्कीमा निर्माण सम्पन्न भएको १३ मेगावाट मद्क् यु जलविद्युत अयोजनाले विगत २०७४ चैत १९ गतेदेखि नियमति विद्युत उतपादन गरिरहेको छ ।
