ऊर्जा खबर
काठमाडौँ । नेपाल विद्युत् प्राधिकरणले असार पहिलाे साता उपत्यमामा विभिन्न ८ ठाउँमा विद्युत् सेवा अवरुद्ध गर्ने भएकाे छ । प्राधिकरणले असार २ गतेदेखि ८ गतेसम्म विभिन्न ८ वटा फिडरबाट वितरण भइरहेकाे बिजुली सेवा अवरुद्ध गर्ने सूचना सूचना मार्फत जानकारी दिएको हाे ।
प्राधिकरणका अनुसार असार २ गते डाँची फिडर अन्तर्गत मूलपानी पीपलबोटदेखि बाबा चोकसम्म र ३ गते कालीमाटी फिडर अन्तर्गत रविभवनदेखि कलंकी मन्दिरसम्मको क्षेत्रमा विद्युत् अवरूद्ध हुने जानकारी गराएको छ ।
असार ४ गते कोटेश्वर फिडर अन्तर्गत तीनकुने पुलदेखि महादेव खोला पुलसम्म र ५ गते कीर्तिपुर फिडर अन्तर्गत पाँगा सडक क्षेत्रमा विद्युत् आपूर्ति बन्द हुनेछ ।
असार ६ गते ताहाचल फिडर अन्तर्गत कालीमाटी चोक क्षेत्र र ७ गते महाकाल फिडर अन्तर्गर्गत बौद्ध क्षेत्र साथै ८ असारमा रोपवे र मच्छेगाउँ फिडर अन्तर्गत नगाउँ क्षेत्रमा विद्युत् अवरूद्ध हुनेछ ।
कीर्तिपुर, कुलेश्वर, बानेश्वर र जोरपाटी वितरण केन्द्रहरू अन्तर्गतका विद्युत् वितरण लाइन भूमिगत गरिने भएकाेले विद्युत् अवरूद्ध हुने प्राधिकरणले जनाएकाे छ ।
