ऊर्जा खबर
काठमाडौं। एनएमबी बैंक लिमिटेडको १५.८ प्रतिशत बोनस सेयर र नगद लाभांस पारित भएको छ । कम्पनीको बिहीबार सम्पन्न २६ औ वार्षिक साधारणसभाले १२.५० प्रतिशत बोनस सेयर र ३.३ प्रतिशत नगद लाभांस पारित गरेको हो ।
बैंकका सञ्चालक समितिका अध्यक्ष पवन कुमार गोल्याणको सभापतित्वमा सम्पन्न साधारणसभाले बोनस सेयर र नगद लाभांस पारित गरेको बैंकले जनाएको छ । बैंकका अनुसार आर्थिक वर्ष २०७७/७८ को नाफाबाट हाल कायम चुक्ता पुँजीको १२.५० प्रतिशत बोनस सेयर र ३.३ प्रतिशत नगद लाभांश पारित गरिएको छ ।
बोनस सेयर पश्चात बैंकको चुक्ता पूँजी १८ अर्व ३६ करोड रुपैयाँ पुग्नेछ । २०७८ असारसम्ममा २ अर्ब ७१ करोड रुपैयाँ खुद नाफा, निक्षेप १६६ अर्ब रुपैयाँ र कर्जा १५८ अर्ब रुपैयाँ रहेको बैंकले जनाएको छ ।
दि फिनान्सियल टाईम्स, लण्डनले ‘बैंक अफ द इयर २०२१’ बाट यस बैंकलाई सम्मान गरेका छ । बैंकले २०१७, २०१८, २०२० र २०२१ गरि चार पटक नेपालकै उत्कृष्ट बैंकको उपाधि प्राप्त गरि सकेकको छ । बैंकले हाल २०१ वटा शाखा, १३८ एटिएम र ९ विस्तारित सेवाद्वारा उच्चस्तरीय सेवा प्रदान गर्दै आईरहेको छ ।
.jpg)
