ऊर्जा खबर
काठमाडौँ । रिडी पावर कम्पनी लिमिटेडले ७७ लाख ४४ हजार कित्ता हकप्रद सेयर निष्कासन गर्ने भएको छ । कम्पनीले सिन्धुपाल्चोकमा साझा पावर कम्पनी लिमिटेडद्वारा प्रवर्द्धित जलविद्युत् आयोजनामा लगानी गर्न हकप्रद सेयर निष्कासन प्रक्रिया अघि बढाएको हो ।
कम्पनीको हाल कायम चुक्ता पुँजी १ अर्ब ५४ करोड ८९ लाख १ हजार रुपैयाँ १ः०.५० को अनुपातमा हकप्रद सेयर निष्कासन गर्न लागेको हो । सय रुपैयाँ अंकित दरले ७७ करोड ४४ हजार ५०६ कित्ता हकप्रद सेयर निष्कासन गर्न लागेको हो ।
कम्पनीले फागुन १८ गतेदेखि हकप्रद निष्कासन गर्न लागेको छ । इच्छुक व्यक्तिले चैत ८ गतेसम्म आवेदन दिन सक्नेछन् ।
सिन्धुपाल्चोकमा अघि बढेको तल्लो बलेफी निर्माण पूरा गर्न ४ अर्ब ४० करोड रुपैयाँ लागत अनुमान गरिएको छ । आयोजनामा ७५ प्रतिशत ऋण लगानी र २५ प्रतिशत स्वपुँजी लगानी हुने जनाइएको छ । आयोजनाको काम निर्माण सुरु भएको २ वर्षभित्र पूरा गर्ने प्रवर्द्धक कम्पनी साझा पावरको लक्ष्य छ ।
रिडी पावरले ८.५ मेगावाटको बुटवल सौर्य विद्युत्, २.४ मेगावाटको रिडी खोला गरी १०.९ मेगावाटको दुई जलविद्युत् आयोजना निर्माण सम्पन्न भई सञ्चालनमा गरिरहेको छ ।
