ऊर्जा खबर
काठमाडौं । बलेफी हाइड्रो पावर कम्पनीको सेयर बाँडफाँड भएको छ । कम्पनीले सिन्धुपाल्चोकमा निर्माण सम्पन्न ३६ मेगावाटको माथिल्लो बलेफी ‘ए’ जलविद्युत आयोजनाको सर्वसाधारणका लागि छुट्याएको सेयर निष्कासन गरी बाँडफाँड गरेको हो ।
कम्पनीको सेयरधनी बन्न आवेदन दिएकामध्ये १ लाख ६६ हजार ३ सय ४५ जनाले १० कित्ता सेयर पाएको बिक्री प्रबन्धक ग्लोबल आइएमई कयापिटलले जनाएको छ । क्यापिटलका अनुसार यी मध्ये ३ जना भाग्यमानीले ११ कित्ता सेयर पाएका छन् ।
कम्पनीले सर्वसाधारणका लागि सय रुपैयाँ अंकित १८ करोड २७ लाख रुपैयाँ बराबरको १८ लाख २७ हजार कित्ता साधारण सेयर निष्कासन गरेको थियो । निष्कासीत सेयरमध्ये ७३ हजार १ सय १९ कित्ता अर्थात ४ प्रतिशत आफ्ना कर्मचारीहरूका लागि सुरक्षित गरिएको थियो ।
यस्तै, ५ प्रतिशत अर्थात् ९१ हजार ३ सय ९८ कित्ता सेयर सामुहिक लगानी कोषका लागि सुरक्षित गरिएको छ । बाँकी १६ लाख ६३ हजार ४ सय ५३ कित्ता सेयर सर्वसाधारणका लागि निष्कासन गरेको थियो ।
यसअघि स्थानीयका लागि सेयर निष्कासन गरी बाँडफाँड गरिसकिएको छ । कम्पनीले निर्माण सम्पन्न गरेको ३६ मेगावाटको माथिल्लो बलेफी ‘ए’ जलविद्युत आयोजनाको परीक्षण चलिरहेको छ ।
.jpg)
