ऊर्जा खबर
.jpg)
काठमाडौं । नेपाल विद्युत प्राधिकरण दिक्तेल वितरण केन्द्रले विद्युत चोरी नियन्त्रण गरेर ६० हजार रुपैयाँ जरिवाना रकम असुल गरेको छ । केन्द्रले विद्युत चोरी गर्नेलाई पक्राउ गरी कारबाही गरेर साे रकम उठाएको हो ।
चुहावट नियन्त्रण तथा मिटर छड्के निरिक्षणको क्रममा विद्युत चोरी गरीरहेकाे अवस्थामा पक्राउ गरेकाे केन्द्रले जनाएको छ । केन्द्रले पछिल्लाे समय चाेरी नियन्त्रण अभियानलाइ तिव्र गतिमा अघि बढाएकाे छ । जुनसुकै ठाउँमा जहिले पनि छड्के निरिक्षण हुन सक्ने जनाएको छ ।
केन्द्रले जुनसुकै बेला मिटर रिडिङ हुन सक्ने भएकाेले विद्युत चोरी नगर्न आग्रह गरेको छ । केन्द्रको विद्युत चोरी गर्नेलाई कडा भन्दा कडा कारवाही हुने र चोरी गरेमा जरिवानासहित रकम बुझाउनु पर्ने पनि केन्द्रले जनाएको छ ।
ग्राहकको मिटरमा टेस्ट सिल, टर्मिनल सिल र वास्क सिल गरी ३ वटा सिल लगाएको हुन्छ । केन्द्रले ग्राहकको मिटरको सिलहरू विगार्ने भनेको विद्युत चोरी गर्ने ठहर्याएको छ । तसर्थ सिलहरू नचलाउन र विद्युतका कर्मचारी बाहेक अन्य व्यक्तिलाई मिटर छुन नदिन पनि केन्द्रले आग्रह गरेको छ ।
