एनएमबी बैंकले उत्पादन मुलुक क्षेत्रमा कर्जा लगानी बढाउन २ करोड ५० लाख अमेरिकी डलर भित्र्यायो

काठमाडौं । एनएमबी बैंक लिमिटेडले विश्व बैंक समुहको सदस्य इन्टरनेशनल फाइनान्स कर्पोर्शन (आईएफसी) बाट तेस्रो आवधिक कर्जा २ करोड ५० लाख अमेरिकी डलर कर्जा लगानी भित्र्याएको छ ।

कर्जा लगानी गर्न बिहीबार सम्झौता भएको छ । सम्झौतापत्रमा बैंकका तर्फबाट प्रमुख कार्यकारी अधिकृत सुनिल केसी र आईएफसीको दक्षिण एशिया क्षेत्रिय निर्देशक हेक्टर गोमेज आङ्गबीच हस्ताक्षर गरे ।

यो कर्जाले हालको असहज परिवेशमा उत्पादनमुलक क्षेत्रमा कर्जा लगानी बढाउन मदत पुग्नेछ । बैंकले ४ वर्षको अवधिमा आईएफसीबाट ३ पटक कर्जा प्राप्त गरेको छ ।
यसरी विस्तर गरिएको क्रेडिट लाइनले कोभिड–१९ को कारणले गर्दा साना तथा मझौला कर्जा क्षेत्रमा भएको खाडललाई परिपूर्ति गर्न र उक्त क्षेत्रहरुको नयाँ उद्यमीहरुलाई प्रोत्साहित गर्न सक्षम बनाउने बैंकको विश्वास छ ।

एनएमबि बैंक द फाइनान्सियल टाइम्स लन्डनको ‘द ब्यान्कर’ पत्रिकाबाट एसियाकै सर्वाेत्कृष्ट बैंकको उपाधी ‘बैंक अफ द ईयर एसिया २०२१’ अवार्डबाट सम्मानित भएको बैंक हो । 

बैंकले सन् २०१७, २०१८, २०२० र २०२१ मा पनि नेपालकैे उत्कृष्ट बैंकको सम्मान ‘बैंक अफ द इयर नेपाल’ प्राप्त गरिसकेको छ । एनएमबि बैंकले हाल देशभरी २०१ शाखाहरु, १३८ एटीएमहरू, ११ एक्सटेन्सन काउन्टरहरू मार्फत उच्चस्तरीय बैंकिङ्ग सेवा प्रदान गर्दै आइरहेको छ ।