ऊर्जा खबर
काठमाडौं । सिक्लेस हाइड्रो पावर कम्पनी लिमिटेडले आगामी भदौ २९ गतेदेखि साढे ११ लाख कित्ता साधारण सेयर निष्कासन गर्ने भएको छ । कम्पनीले कास्कीमा निर्माण सम्पन्न भएका १३ मेगावाटको मद्क्यु खोला जलविद्युत आयोजनाले सर्वसाधारणका लागि छुट्याएको साधारण सेयर निष्कासन गर्न लागेको हो ।
सय रुपैयाँ अंकित ११ करोड ५० लाख रुपैयाँ बराबरकाे ११ लाख ५० हजार कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार ५ प्रतिशत हुनआउने अर्थात् ५७ हजार ५ सय कित्ता सेयर सामुहिक लगानी कोषका लागि र ३ प्रतिशत हुन आउने अर्थात ३४ हजार ५ सय कित्ता सेयर कम्पनीको कर्मचारीका लागि छुट्याएको छ । बाँकी, १० हजार ५८ सय कित्ता सेयर सार्वसाधरणका लागि निष्कासन गरिनेछ ।
सर्वसाधारणले न्यूनतम १० कित्तादेखि अभिकतम १ लाख कित्तासम्म आवेदन दिन पाउँछन् । कम्पनीको सेयर निष्कासन गरी बाँडफाँड गर्न बिओके क्यापिटललाई बिक्री प्रबन्ध तोकिएको छ ।
कम्पनीले पहिलो चरणमा स्थानीयका लागि सेयर निष्कासन गरी बाँडफाँड गरिसकेको छ । कास्कीमा निर्माण सम्पन्न भएको १३ मेगावाट मद्क्यु जलविद्युत अयोजनाले विगत २०७४ चैत १९ गतेदेखि नियमति विद्युत उतपादन गरिरहेको छ ।
.jpg)
