ऊर्जा खबर
काठमाडौं । बागथला हाइड्रो प्रालीले ८ मेगावाटको तल्लो कालंगागाड आयोजना निर्माण अनुमतिपत्रको लागि विद्युत विकास विभागमा आवेदन दिएको छ । कम्पनीले उक्त क्षमताकाे आयोजना निर्माण अनुमतिका लाग विभागमा आवदेन दिएको हो ।
सुदुर पश्चिम प्रदेश बझाङ जिल्लाको साविक सुनकुडा बाझ र रायल गाविसहरू (हालको बित्थिडचिर र केदारस्युँ गाउँपालिका) भएर बग्ने कालंगागाड खोलामा पहिचान भएको आयोजना निर्माण गर्न लागेको कम्पनीले जनाएको छ । कम्पनीको अनुसार विभागबाट अुनमति पाउने लगतै आयोजना निर्माणको काम सुरु गरिनेछ ।
आयोजना निर्माण तथा सञ्चालन गर्दा यसबाट पर्ने सक्ने प्रतिकुल असरका विषयमा सरोकारलासँग राय सुझाव मागिएको छ । विभागले ३५ दिने सूचना जारी गर्दै उक्त अवधिभित्र सुझाव दिन माग गरेको छ । नदीको प्रहावमा आधारित (रन अफ रिभर) प्रकारको आयोजनाको डिजाइन वहाव १५.७५ घनमिटर प्रति सेकेण्ड र कूल हेड ६४ मिटर हुने उल्लेख छ । यस आयोजनाबाट बार्षिक सरदर ५४.९५६६ गिगावाट घण्टा विद्युत उत्पादन हुने अध्ययनले देखाएको छ ।
आयोजनाको मुख्य संरचनाहरू कालंगागाड खोलाको दायाँ किनारामा पर्दछन् । आयोजनाको मुख्य संरचनाहरू हुँदै पानीलाई विद्युत गृहमा लगिनेछ र तत् पश्चात टेलरेस क्यानल मार्फत पानीलाई सोही खोलामा पठाइनेछ ।
उत्पादित ऊर्जालाई विद्युतगृह नजिकै स्वीचयार्ड निर्माण गरेको १० एम.भि.ए को पावर ट्रान्सफरमरबाट १३२ केभी प्रसारण लाइन मार्फत ३.४ किलोमिटर लामो आयोजनाको स्वीचयार्डमा जोडिनेछ । आयोजनाको विद्युत उत्पादन हुने मितिले बागथल हाइड्रो प्राली र नेपाल विद्युत प्राधिकरणबीच हुने विद्युत खरिद–बिक्री सम्झौतामा उल्लेख भए पश्चात प्रस्ताव गरिनेछ ।
