ऊर्जा खबर
काठमाडौं । नेपाल विद्युत प्राधिकरणले मधेश प्रदेशलाई पूर्ण विद्युतीकरण प्रदेश घोषणा गर्ने तयारी गरेको छ । प्राधिकरणले यस प्रदेश अन्तर्गतका ८ वटा जिल्लाका सबै क्षेत्रमा विद्युत सेवा पुर्याइसकेको छ ।
प्रदेशको पर्सा, बारा, रौतहट, सर्लाही, महोत्तरी, धनुषा, सिराहा र सप्तरी जिल्लाको गाउँपालिका, नगरपालिकामा विद्युत सेवा पुर्याइसकेको प्राधिकरणले जनाएको छ । प्राधिकरणका अनुसार यदी कुनै स्थानमा बिजुली नपुगेको भए आगामी ७ दिनभित्र जानकारी गराउन आग्रह गरेको छ ।
प्रदेश अन्तर्गत कुनै स्थानमा बिजुली विस्तार गर्न बाँकी वा घरधुरीमा विद्युत सेवाबाट वञ्चित भएमा प्राधिकरण, मदेश प्रादेशिक कार्यालय, जनकपुर वा मातहतका वितरण केन्द्र/उपवितरण केन्द्र/प्रशाखा कार्यालयमा जानकारी गराउन आग्रह गरेको छ ।
विद्युतीकरण गर्न छुट भएको भेटिएमा ती स्थानमा बिजुली जोडेर मदेश प्रदेशलाई पूर्ण विद्युतीकरण प्रदेश घोषणा गरिने प्राधिकरणले जनाएको छ ।
.jpg)