ऊर्जा खबर
काठमाडौँ । शुभम पावर लिमिटेडले निर्माण साथै सञ्चालन गरेको ९९० किलोवाट क्षमताको तल्लो पिलुवा खोला साना जलविद्युत् आयोजना मर्मतपछि पुनः सञ्चालनमा आएको छ ।
गत साल असार २ गते आएको बाढीले क्षती पुर्याएपछि आयोजना पूरा बन्द भइ सञ्चालन हुन सकिरहेको थिएन । कम्पनीले बाढी प्रश्चात बन्द भएको आयोजनाको मर्मतपछि जेठ २२ गतेबाट पूर्ण रूपले सञ्चालनमा आएको जानकारी दिएको छ ।
नेप्सेका सूचना अनुसार ‘अहिले आयोजनाको पुनः निर्माण कार्य र पावरहाउस तथा स्वीचयार्डमा जडान भएका विद्युतीय उपकरणहरूको आवश्यक परीक्षण र मर्मत कार्य समेत सम्पन्न भएको हुँदा यसबाट विद्युत् उत्पादन हुन सक्ने अवस्था निर्माण भएकोले २०८१ जेठ २२ गतेबाट आयोजनाबाट विद्युत् उत्पादन सुरू भएको छ ।
