ऊर्जा खबर
काठमाडौं । मकरी गाड हाइड्रो पावर प्राइभेट लिमिटेडमा रोजगारीको अवसर खुलेको छ । कम्पनीले दार्चुला जिल्लाको अपि हिमाल गाउँपालिका स्थित निर्माण भइरहेको १० मेगावाट क्षमताको मकरी गाड जलविद्युत आयोजनामा खटाउने गरी १७ कर्मचारीको माग गरेको हो ।
१ जना मेकानिकल इन्जिनियर, १ जना सिभिल इन्जिनियर, १ जना इलेक्ट्रीकल इन्जिनियर, १ जना सहायक इन्जिनियर र १ जना सिभिल अधीक्षको लागि आवेदन खुलाएको कम्पनीले जनाएको छ । एक जना इलेक्ट्रीकल अधीक्षक, ७ जना निर्माण पर्यवेक्षणका लागि र ४ जना रुपवे पर्यवेक्षणमाका लागि आवेदन माग गरिएकाे छ ।
कम्पनीका अनुसार मेकानिकल इन्जिनियरका लागि मेकानिकल इन्जिनियरमा स्नातक तह उत्तीर्ण गरी कम्तीमा सोही क्षेत्रमा ३ वर्ष काम गरेका अनुभव हुनुपर्नेछ । सिभिल इन्जिनियरको लागि सिभिल इन्जिनियरिङमा स्नातक तह उत्तीर्ण गरी सोही क्षेत्रमा ३ वर्ष काम गरेको हुनुपर्ने, इलेक्ट्रीकल इन्जिनियरिङमा स्नातक तह उत्तीर्ण गरी २ वर्ष अनुभव हुनुपर्ने, सहायक इन्जिनियरिङका लागि सोही विषयमा डिप्लोमा गरी ५ वर्ष काम गरेको अनुभव हुनुपर्नेछ ।
इच्छुकले व्यक्तिले ७ दिनभित्रमा आवेदन दिइसक्नु पर्नेछ । आवेदकले बायोडाटा, फोटो, नेपाली नागरिकताको प्रतिलिपि, शैक्षिक योग्यताको प्रामाणपत्रको प्रतिलिपि, कार्य अनुभव प्रमाणपत्रसहित आवेदन बुझाउनु पर्नेछ ।
