९९ मेगावाटको डाडागाउँ खलंगाको वातावणीय प्रभाव मुल्याङ्कन क्षेत्र निर्धारण गर्न सुझाव माग

काठमाडौं । कर्णाली प्रदेश अन्तर्गत जाजरकोट जिल्लाको नलगाड, भेरी नगरपालिका र रुकुम पश्चिमको आठबिसकोट नगरपालिका र सानी भेरी गाउँपालिका निर्माण गर्न लागिएको ९८.९४ मेगावाटका डाडागाउँ खलंगा अर्धजलाशययुक्त जलविद्युत आयोजनाको वातावरणीय प्रभाव मुल्याङ्कन क्षेत्र निर्धारण गर्न राय/सुझाव माग गरिएको छ ।

विद्युत विकास विभागले आयोजनाको क्षेत्रधिकार निर्धारण गर्न सरोकारवालासँग राय/सुझाव मागेको छ । स्थानीय सरोकारवालासँग आयोजना निर्माण गर्दा पर्न सक्ने भौतिक, जैविक, सामाजिक, आर्थिक तथा सांस्कृतिक वातावरणीय प्रभावका सम्बन्धमा राय/सुझाव मागिएको छ ।

प्रस्तावित आयोजनाबाट प्रभावित हुने गाउँपालिका, नगरपालिका तथा त्यहाका विद्यालय, अस्पताल, स्वास्थ्य चौकी एंव सरोकारवाला व्यक्तिसँग एक साताभित्र प्राप्त हुने गरी राय/सुझाव पढाउन भनिएको छ । आयोजनाबाट जाजरकोट जिल्ला अन्तर्गत नलगाड नगरपालिकाको वडा नम्बर १, भेरी नगरपालिकाको वडा नम्बर १ तथा रुकुम पश्चिमको आठबिसकोट नगरपालिकाको वडा नम्बर ११, १३, १४ र सानी भेरी गाउँपालिकाको वडा नम्बर १, २ र ४ का स्थानीय आफ्नो राय/सुझाव पठाउनुपर्नेछ ।

आयोजनाको लगभग २२.५ मिटर उचाईको बाँध निर्माण गरी २०० मिटर लामो नहर, ६.३२ किलोमिटर लामो सुरुङ, २०० मिटर लामो पेनस्टक पाइपमार्गमार्फत पानीलाई विद्युतगृहमा पुर्याइनेछ । विद्युतगृहमा रहेको टवाईनमा जडान भएको ट्रान्सफर्मर मार्फत विद्युत उत्पादन गरिनेछ ।