ऊर्जा खबर
काठमाडौँ । नेपाल इन्फ्रास्ट्रक्चर्स इन्भेष्टमेन्ट फन्ड अन्तर्गतको ग्लोबल इक्विटी फन्ड लिमिटेडले ५३.५ मेगावाटको माथिल्लो म्याग्दी–१ जलविद्युत् आयोजनामा लगानी गर्ने भएको छ । यस सम्बन्धी सम्झौतामा बिहीबार फन्ड र ऊर्जा डेभलपर्सबीचसम्झौता भएको छ ।
सम्झौतापत्रमा फन्डका अध्यक्ष डा. मनिष थापा तथा ऊर्जा डेभलपर्सका प्रबन्ध निर्देशक भानु पोखरेलले हस्ताक्षर गरेका छन् । ऊर्जा डेभलपर्सको सहायक कम्पनी अपर म्याग्दी हाइड्रोपावर लिमिटेडले आयोजना निर्माण गरिरहेको छ ।
धवलागिरि र मालिका गाउँपालिकामा निर्माण हुने नदी प्रवाही आयोजनाबाट ३१५.०१ गिगावाट घन्टा विद्युत् उत्पादन हुनेछ । उत्पादित विद्युत् विद्युत्गृहबाट करिब १.५ किलोमिटर दूरीमा नेपाल विद्युत् प्राधिकरणले निर्माण गरेको डाँडाखेलत सबस्टेसनमा जाेडिने छ ।
