ऊर्जा खबर
काठमाडौं । ऊर्जा, जलस्रोत तथा सिँचाइ मन्त्रालयको जिम्मेवारीमा जनता समाजवादी पार्टी (जसपा) का नेता शरत सिंह भण्डारी आएका छन् । टोपबहादुर रायमाझीको बर्हिगमनपछि जसपाका बरिष्ठ नेता भण्डारीलाई उक्त मन्त्रालयको जिम्मेवारी दिइएकाे हाे ।
नेकपा माओबादी छोडेर नेकपा एमाले प्रवेश गरेका रायमाझीको सांसद पद गुमेसँगै मन्त्री पद पनि गुमेको थियो । प्रधानमन्त्री केपी शर्मा ओलीले शुक्रबार (आज) मन्त्री परिषद पुर्नगठन गरी भण्डारीलाई ऊर्जा जलस्रोत तथा सिँचाइ मन्त्रीमा नियुक्त गरेका हुन् ।
ओलीले राजेन्द्र महत्ताेकाे नेतृत्वमा ८ मन्त्री र २ राज्यमन्त्री नियुक्त गरी मन्त्रीपरिषद पुनर्गठन गरेका हुन् । भण्डारीले आज साँझ ६ बजे पद तथा गोपनियताको सपथ लिने कार्यक्रम रहेको बालुवाटार स्रोतले जनाएको छ ।
नेपाली काँग्रेस पार्टीबाट राजनिति जीवनको सुरुवात गरेका भण्डारी मधेसी जनाधिकार फोरम हुँदै अहिले जनता समाजवादी पार्टीको नेता बनेका हुन् । उनले विगतमा पनि पटक–पटक विभिन्न मन्त्रालयको जिम्मेवारी सम्हालेका थिए ।
