ऊर्जा खबर
काठमाडौं । नेपाल हाइड्रो डेभलपर्स लिमीटेडले करिब ३ करोड रूपैयाँ खुद नाफा कमाएको छ । कम्पनीले सार्वजानिक गरेको आर्थिक वर्ष २०७८/७९ को तेस्रो त्रैमाससम्मको वित्तिय विवरण अनुसार कम्पनीले खुद नाफा कमाएको देखिएकाे हो ।
चैतसम्मको अवधिमा २ करोड ८६ लाख ८२ हजार रूपैयाँ खुद नाफा कमाएको कम्पनीले जनाएको छ । कम्पनीका अनुसार नाफा गत वर्ष यही समयअवधिको तुलनामा बढेको हो । गत वर्ष १ करोड १२ लाख ६३ हजार खुद नाफा कमाएको थियो ।
कम्पनीले यस अवधिमा ३.५२ मेगावाटको चनाराजवती जलविद्युत केन्द्रकाे विद्युत बिक्री गरी ७ करोड ५६ लाख ८९ हजार रुपैयाँ आम्दानी गरेको छ। कम्पनीले गरेको आम्दानी गत वर्षको तुलनामा बढेको हाे । गत वर्ष ६ करोड ३७ लाख ५० हजार रुपैयाँ खुद नाफा कमाएको थियो ।
यस्तै, अन्य स्रोतबाट ७० हजार रुपैयाँ आम्दानी गरेको कम्पनीले जनाएको छ । कम्पनीकाे अन्य स्राेतबाट भएकाे आम्दानी भने गत वर्षमा तुलनामा घटेको देखिएको छ । गत वर्ष ३ लाख ४४ हजार रुपैयाँ आम्दानी गरेको थियो ।
कम्पनीले दोलखामा निर्माण सम्पन्न गरेको जलविद्युत आयोजनाले २०७० जेठ २४ गतेदेखि नियमित विद्युत उत्पादन गरिरहेको छ ।
