ऊर्जा खबर
काठमाडौं । नेपाल विद्युत प्राधिकरणले डेडिकेटेड र ट्रंक लाइनमार्फत विद्युत आपूर्ति लिएका उपभोक्ताले विद्युत महसुल नबुझाए कारबाही गर्ने चेतावनी दिएको छ । प्राधिकरणले पटक पटक बक्यौता बुझाउन पत्राचार गरेपनि हालसम्म भुक्तानी नगरेकोले दुई साताभित्र महसुल नबुझाए कारबाही गर्ने चेतावनी दिएको हो ।
प्राधिरकरणले आइतबार (भदौ १७ गते) सूचना जारी गर्दै पटक पटक वितरण केन्द्रहरूबाट बक्यौता महुसल तिर्न पत्राचार गरेको तर धेरैले हालसम्म महसुल नबुझाएको जनाएको छ । त्यसैले सूचना जारी भएको मितिले १५ दिनभित्र बक्यौता महसुल तिर्न प्राधकिरणले आग्रह गरेको छ ।
प्राधकिरणले महसुल नबुझाएमा नेपाल विद्युत प्राधिकरण, विद्युत महसुल संकलन विनियमावली, २०७८ को विनियम १० को प्रावधान बमोजिम कारबाही गर्ने चेतावनी दिएको छ ।
.jpg)
