ऊर्जा खबर
काठमाडौँ । सामुदायिक विद्युत् उपभोक्ता राष्ट्रिय महासंघको १९औं राष्ट्रिय परिषद बैंठक फागुन १९ गते (शनिबार) बुटवलको प्रगतिनगरमा सम्पन्न भएको छ । देशभरबाट संस्थागत प्रतिनिधि रहेको कार्यक्रमले १२ बुँदे बुटवल घोषणापत्र जारी गरी बैठक सम्पन्न भएको हो ।
वक्ताहरूले सामुदायिक विद्युतीकरणको दिगो व्यवस्थापनका लागि सरकारले आवश्यक नीति तर्जुमा गरि सामुदायिक संस्थाहरूको सबलीकरण र सम्मान गर्नुपर्ने धारणा राखे । महासघका अध्यक्ष नारायण ज्ञवालीको अध्यक्षतामा रहेको कार्यक्रममा सामुदायिक विद्युतीकरणका समस्या चुनौती र भावि दिनमा महासंघले निर्वाह गर्नु पर्ने भूमिकावारे कार्यपत्र प्रस्तुत गरिएको थियो । कार्यक्रममा महासंघको संस्थागत विकास र परिषद व्यवस्थापनमा सहयोग गरेको संस्था प्रगतिनगर सामुदायिक विद्युत् सहकारी संस्था वुटवललाई सम्मान गरिएको थियो ।
लुम्बिनी प्रदेश सरकारका भौतिक पुर्वाधार विकास मन्त्रि धमैवहादुर चौधरी, नेपाल विद्युत् प्राधिकरणका उप–कार्यकारी निर्देशक मनोज सिलवाल, लुम्बिनी प्रादेशिक कार्यालयका प्रमुख हरिप्रसाद पाण्डे, बुटवल र नेपालगन्ज वितरण केन्द्रका प्रमुख क्रमश कपिलराज पाण्डे, जगन्नाथ लामिछाने, प्रादेशिक कार्यालयका लेखा प्रमुख फर्सुराम पाण्डे , महासंघका सल्लाहकार रामकृष्ण हुमागाई, भौतिक पुर्वाधार विकास मन्त्रालयका इन्जिनियर झलक थापाकाे सहभागी थिए ।
.jpg)