ऊर्जा खबर
काठमाडौं । घलेम्दी हाइड्रो पावर कम्पनीले करिब २० लाख रुपैयाँ बढी खुद नाफा कमाएको छ । कम्पनीले चालु आर्थिक वर्षको ६ महिना अवधिमा सो मुनाफा कमाएको हो ।
गत वर्ष यहीसयम अवधिमा घाटामा रहेको कम्पनीले २० लाख ७ हजार रुपैयाँ खुद नाफा कमाएको कम्पनीले जनाएको छ । कम्पनीका अनुसार गत वर्ष ९६ लाख ७२ हजार रुपैयाँ घाटामा थियो ।
यस्तै, यही अवधिमा कम्पनीले ५ मेगावाटको घलेम्दीको विद्युत बिक्री गरी १ करोड ४८ लाख ८४ हजार रुपैयाँ आम्दानी गरेको छ । गत वर्ष यही समयअवधिमा १ करोड ८८ लाख ७४ हजार रुपैयाँ आम्दानी गरेको थियो ।
कम्पनीको प्रतिसेयर आम्दानी ३७ पैसा रहेको र प्रतिसेयर नेटवर्थ १००.२८ रुपैयाँ रहेको छ । कम्पनीले निर्माण सम्पन्न गरेको आयोजनाले निरन्तर विद्युत उत्पादन गरिरहेको छ ।
विद्युत उत्पादन आम्दानी बढेपनि दिव्यश्वरी हाइड्रो पावर घाटामा
दिव्यश्वरी हाइड्रो पावर कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । यस अवधिसम्ममा कम्पनी १५ लाख ५६ हजार नोक्सानमा रहेको छ । गत वर्ष यसै अवधिमा कम्पनी १ करोड ३९ लाख रुपैयाँ नोक्सानमा थियो ।
यो अवधिमा कम्पनीले विद्युत बिक्री गरी ५ करोड ४ लाख ६२ हजार रुपैयाँ आम्दानी गरेको छ । गत वर्ष विद्युत् बिक्रीबाट ४ करोड १९ लाख रुपैयाँ आम्दानी गरेको थियो ।
