ऊर्जा खबर
काठमाडौं । लक्ष्मी क्यापिटल कोष प्रवर्द्धक रहेको लक्ष्मी सस्टेनेबल एनर्जी फण्डले युनिटेक हाइड्रो पावर कम्पनी लिमिटेडमा रणनीतिक लगानी गर्ने भएको छ । फण्डले ताप्लेजुङमा दुई आयोजना निर्माण गरिरहेको कम्पनीमा रणनीतिक लगानी गर्ने भएको हो ।
रणनीतिक लगानी गर्न कम्पनी र फण्डबीच सम्झौता भएको छ । यो फण्ड लक्ष्मी क्यापिटलको पहिलो प्राइभेट इक्विटी कोष हो । १ अर्ब रुपैयाँ आकारको यो फण्डले जलविद्युत्, सौर्य र वायु ऊर्जा लगायत दीगो ऊर्जा क्षेत्रमा लगानी गर्नेछ ।
युनिटेक हाइड्रो पावरले ताप्लेजुङमा ५.८ मेगावाट क्षमताको माथिल्लो फवाखोला जलविद्युत् आयोजना निर्माण गरिरहेको छ । कम्पनीसँग थप १५ मेगावाटको मध्य इङ्वाखोला जलविद्युत् आयोजनाको निर्माण प्रक्रिया पनि अघि बढाएको छ ।
.jpg)