ऊर्जा खबर
काठमाडौं । नेपाल विद्युत् प्राधिकरण, अर्घाखाची वितरण केन्द्रले शुभश्री अग्नि सिमेन्ट प्रा.लि को लाइन काटेको छ । केन्द्रले ट्रंक तथा डेडिकेटेड लाइन प्रयोग गरेबापतको विद्युत् महसुलको बक्यौता र जरीवाना नतिर्ने सिमेन्ट उद्योगको लाइन काटेको हो ।
बारम्बार ताकेता गर्दापनि बक्यौता महसुल नबुझाएपछि १३ गते राति ९ बजे सिमेन्ट उद्योगको लाइन काटेको केन्द्र प्रमुख त्रिलोचन भट्टराईले बताए । अहिले उद्याेग बन्द छ ।
शितगङ्गा नगरपालिका–८ जलुकेमा अवस्थित सो उद्योगले विद्युत् महसुल र जरिवाना वापतको ४७ करोड रुपैयाँ वक्यौता नतिरेपछि लाइन काटिएको उनले बताए ।
केन्द्र अन्य साधारण ग्राहकको पनि लाइन काटेर बक्यौता महसुल उठाउने कामलाई तिव्र गतिमा अघि बढाएको छ । चालु आर्थिक वर्षभित्र मात्र ८६ ग्राहकको लाइन काटेको पनि त्रिलोचन भट्टराईले बताए । केन्द्र अन्गर्तत अहिले ३८ हजार ग्राहक छन् ।
