ऊर्जा खबर
काठमाण्डौं । नेपालका लागि सिट्रोनको आधिकारिक वितरक सांग्रिला मोटर्सले अंग्रेजी नयाँ वर्षको उपलक्ष्यमा ‘न्यू इयर बोनान्जा’ ल्याएको छ । माेटर्सले सन् २०२४ जनवरी १ तारिखकाे उपलक्ष्यमा छुट लगायतका अफरहरू ल्याएकाे हाे ।
यस अफर अन्तर्गत ग्राहकहरूले सिट्रोनका दुई लोकप्रिय मोडलहरू-सिट्रोन सि ३ (पेट्रोल भर्जन) र सिट्रोन इ सि३ (विद्युतिय भर्जन) मा नगद छुट लगायत अन्य फाइदाहरू प्राप्त गर्न सक्नेछन् । कम्पनीका अनुसार ग्राहकहरुले सिट्रोनको १.२ लिटर इन्जिन क्षमताको पेट्रोल भर्जन सिट्रोन सि ३ मा दुई लाख रुपैयाँ र विद्युतीय भर्जन सिट्रोन इ सि ३ मा एक लाख रुपैयाँसम्मको लाभ पाउन सक्नेछन् ।
नयाँ वर्षको विशेष उपहारको रूपमा ग्राहकले प्रत्येक खरिदमा निःशुल्क सडक कर, एक वर्षको लागि निःशुल्क बीमा र निःशुल्क कार वास पाउन सक्ने पनि कम्पनीले बताएको छ । यसबाहेक ग्राहकहरूले क्यास बेनिफिट र एक्सचेन्ज बोनस पनि प्राप्त गर्ने छन् ।
कम्पनीले भारतमा निर्मित फ्रेन्च डिएनए कार ब्रान्डको रुपमा विश्व प्रसिद्ध सिट्रोन इनोभेसन र स्टाइलको लागि नेपाली अटोमोबाइल उद्योगमा छुट्टै नाम बनाउन सफल भएको जानकारी दिइएकाे छ । सिट्रोनका नेपालभर रहेका आधिकारिक डिलरहरूमार्फत् न्यू इयर बोनान्जा उपलब्ध हुनेछ ।
