ऊर्जा खबर
काठमाडौं । नेपाल इन्फ्रास्टक्चर बैंक लिमिटेड (निफ्रा) ले आफ्ना सेयरधनी सदस्यहरूलाई चुक्ता पूँजीको ४.२१०५ प्रतिशत नगद लाभांश दिने भएको छ । बैंकको बिहीबार (असोज ६ गते) बसेको सञ्चालक समितिको बैंठकले सेयरधनीलाई लाभांश प्रस्ताव गर्ने निर्णय गरेको हो ।
चुक्ता पूँजीको २१ अर्ब ६० करोड रुपैयाँको ४.२१०५ प्रतिशत नगद लाभांश प्रस्ताव गरिएको कम्पनीले जनाएको छ । कम्पनीका अनुसार बैंक तथा वित्तिय संस्था सम्बन्धि ऐन २०७३ को दफा ४७ अनुसार नेपाल राष्ट्र बैंकबाट स्वीकृत भई साधारणसभाबाट पारित भएपछि लाभांस वितरण हुनेछ ।
बैंकले प्रस्ताव गरेको लाभांश गत आर्थिक वर्षको तुलनामा घटेको हो । बैंकले गत वर्ष ८.४२ प्रतिशत नगद लाभांश वितरण गरेको थियो ।
बैंकले ऊर्जा, सहरी विकास, यातायात लगायत पूर्वाधार परियोजनामा लगानी गर्दै आएकाे छ । बैंकले स्थापनाको छोटो अवधिमा २२ वटा पूर्वाधार परियोजनामा करिब २७.५० अर्ब रुपैयाँ लगानी गर्ने प्रतिबद्धता जनाएको छ ।
