ऊर्जा खबर
काठमाडौँ । नेपाल विद्युत् प्राधिकरणले आफ्ना सबै कर्मचारीहरूलाई २७ हजार रुपैयाँ वार्षिकोत्सव भत्ता दिने भएको छ ।
सोमबार प्राधिकरणको ४१औं वार्षिकोत्सवका अवसरमा ऊर्जा, जलस्रोत तथा सिँचाइमन्त्री विराजभक्त श्रेष्ठले सबै कर्मचारीहरूलाई २७ हजार रुपैयाँ वार्षिकोत्सव भत्ता दिइने घोषणा गरेका हुन् । ‘प्राधिकरणका सबै कर्मचारी तथा ज्यालादारी साथीहरूलाई समेत जनही २७ हजार रुपैयाँ वार्षिकोत्सव भत्ता दिने निर्णय भएको छ’, मन्त्री श्रेष्ठले भने ।
यसैबीच ऊर्जामन्त्री श्रेष्ठले नेपाल विद्युत् प्राधिकरणको एकाधिकार तोड्ने घोषणा गरेका छन् । निजी क्षेत्रले ऊर्जा विकासमा ठूलो लगानी जोखिम बहन गरिरहेको अवस्थामा त्यसको संरक्षण र प्रवद्र्धन गर्नु राज्यको दायित्व भएको बताउँदै उनले सरकार निजी क्षेत्र विकासको पक्षपाती रहेको जनाएका छन् ।
’विद्युत् प्राधिकरण संस्थागत क्षमता, प्रतिस्पर्धात्मक दक्षता र सार्वजनिक उत्तरदायित्वमा आधारित हुनुपर्छ’, मन्त्री श्रेष्ठले भने । नियमन र प्रतिस्पर्धात्मक वातावरणमार्फत थप लगानी आकर्षित गरिने उनको भनाइ रहेको छ ।
