ऊर्जा खबर
काठमाडौं । रिडी हाइड्रो पावर डेभलपमेन्ट र रैराङ हाइड्रो पावर डेभलपमेन्ट कम्पनी एकआपसमा गाभिने भएका छन् । विद्युत नियमन आयोगले दुई कम्पनीलाई एकापसमा गाभिनका लागि स्वीकृति प्रदान गरेको छ । आयोगको गत वैशाख २६ गते बसेको १५६ औँ बैठकले गाभिनका लागि सहमति दिएको हो ।
एउटै लगानीकर्ता रहेकाे यी जलविद्युत कम्पनीले एक आपसमा गाभिनका लागि आयोगसँग अनुमति मागेका थिए । यही क्रममा यी कम्पनीबीच गाभिने सम्झौता भएको छ । ती कम्पनी गाभिएपछि कूल संयुक्त चुक्ता पुँजी १ अर्ब १४ करोड ५५ लाख ५८ हजार रुपैयाँ कायम हुनेछ ।
आयोगले प्रचलित कानुनबमोजिम लाभकरलगायत अन्य कर बुझाउनुपर्ने भएमा सम्बन्धित निकायका सो कर बुझाउनुपर्नेछ । कम्पनीले आयोगबाट समय सयममा जारी भएको मापदण्ड, संहिता तथा संस्थागत सुशासनसम्बन्धी निर्देशन पालना गर्नुपर्नेछ ।
कम्पनी गाभिने सम्बन्धमा अन्य प्रचलित ऐन, नियमावली वा निर्देशिका र कम्पनीको प्रबन्धपत्र तथा नियमावलीको व्यवस्था पालना गर्नुपर्ने भएमा सोकोसमेत पालना गर्नुपर्नेछ ।
