ऊर्जा खबर
काठमाडौँ । ग्रीनलाइफ हाइड्रोपावर लिमिटेडको शुक्रबार बोलाइएको १६औँ वार्षिक साधारणसभा पछि सारिएको छ । साधारणसभा गणपूरक सङ्ख्या नपुगेका कारण अर्कफ पटकलाई सारिएको हो ।
आगामी साधारणसभाका लागि पुनः सूचनामार्फत जानकारी गराइने कम्पनीले जनाएकाे । साधारणमा कम्पनी सञ्चालक समितिका अध्यक्षले पेस गर्ने वार्षिक प्रतिवेदन छलफल गरी पारित गर्ने, आर्थिक वर्ष २०८१/८२ को लेखा परीक्षण प्रतिवेदनसहितको वासलात तथा नाफा नोक्सान हिसाब छलफल गरी पारित गर्ने, लेखा परीक्षकको नियुक्ति तथा पारिश्रमिक निर्धारणजस्ता सामान्य प्रस्तावहरूको सूची थियो ।
त्यस्तै, कम्पनी ऐन २०६३ को दफा १०५ को उपदफा (१) (ख) का सम्बन्धमा छलफल गर्ने विशेष प्रस्तावसमेत राख्ने तयारी रहेको थियो । आगामी साधारणसभाको मिति निश्चित गरी उपस्थितिका लागि सम्पूर्ण सेयरधनीलाई पुनः जानकारी गराइने भएको छ ।
