ऊर्जा खबर
काठमाडौँ । नेपाल विद्युत् प्राधिकरण लगनखेल वितरण केन्द्रअन्तर्गत पर्ने ललितपुरका विभिन्न क्षेत्रमा असोज २८ गतेदेखि कात्तिक १ गतेसम्म दैनिक केही घण्टा विद्युत् आपूर्ति बन्द हुने भएको छ ।
नजिकिँदै गरेको तिहार तथा छठ पर्वमा विद्युत् आपूर्ति नियमित तथा भरपर्दाे बनाउन पूर्वतयारी स्वरूप निरोधात्मक मर्मतको काम गर्न ४ दिन विद्युत् आपूर्ति बन्द गर्न लागिएको केन्द्रले जनाएको छ ।
केन्द्रका अनुसार निरोधात्मक मर्मतको काम गर्ने क्रममा आसपासका अन्य क्षेत्रमा समेत विद्युत् आपूर्ति प्रभावित हुने भएको हो ।
इमाडोल–३, लुभु बानेश्वर, लुभु पाटन, लोकल पाटन, इमाडोल–२, च्यासल, रेडियो नेपाल, हात्तीवन, खुमलटार, पिआइडी, गोदावरी, हरिसिद्धि लगायत फिडरअन्तर्गत विद्युत् प्रवाह हुने क्षेत्रमा आपूर्ति बन्द रहने प्राधिकरणले जनाएको छ ।
विद्युत् कटौती तालिका
.jpg)
