खार्पूनाथको २५० घरधुरीमा सोलार प्यानल जडान

काठमाडौं । हुम्लाको सदुमुकामसँग जोडिएको खार्पूनाथ गाउँपािलका वडा नम्बर २ का २५० घरधुरीमा सोलार प्यानल जडान गरिएको छ । बिजुली नपुगेका यस गाउँपालिकाकाे वडामा सोलार प्यानल जडान गरिएको हो ।

वडाका २५० घरधुरीका लागि प्रत्येक घरमा एक सय एम्पियरको ब्याट्री र १०० वाटका प्यानल जडान गरिएकाे छ ।  खार्पुनाथ–४ स्थित सीता माध्यमिक विद्यालयमा पनि १० किलोवाटको सोलार प्यानल जडान गरी सञ्चालनमा ल्याएको छ ।

गाउँपालिकाको समन्वय र कर्णाली प्रदेश सरकारको आर्थिक सहयोगमा सोलार प्यानल जडान गरिएको हो । सरकारले यस कामका लागि साढे २ करोड रुपैयाँ बजेट खर्च गरेको छ ।

सोलार प्यानल, ब्याट्री खरिददेखि ढुवानी र जडान कार्य पनि सम्पूर्णरुपमा निःशुल्क गरिएकाे हाे । खर्पूनाथ गाउँपालिका यस अघि घाम लागेको बेला सोलारको टुकी र नलागेका बेला सल्लाको दियालो बाल्दै आएका थिए । हाल खर्पुनाथ गाउँपालिका एकैपटक पाँच बत्ती बल्ने सोलार प्यानल जडान गरिएको छ ।

घाम लागेका बेला सोलार टुकी र नलागेका बेला सल्लाको दियालो बाल्दै आएका खार्पुनाथ  वडा नम्बर २ का घरमा एकैपटक पाँच बत्ती बल्ने सोलार जडान भएका छन् ।