ऊर्जा खबर
काठमाडौं । दोर्दी जलविद्युत कम्पनीको सेयर आवेदन अवधि थप भएकाे छ । कम्पनीले लमजुङमा निर्माणाधीन १२ मेगावाटको दोर्दी–१ जलविद्युत आयोजनाकाे स्थानीयका लागि निष्कासन गरिएकाे सेयर आवेदन अवधि थप भएकाे हाे ।
कम्पनीले गत बैशाख १३ गतेदेखि स्थानीयका लागि सेयर आवेदन खुल्ला गरेकाे थियाे । माग अनुसारकाे दरखास्त प्राप्त नभएकाेले आगामी जेठ ५ गतेसम्म अवधि थप गरिएकाे कम्पनीले जनाएकाे छ । कम्पनीले सय रूपैयाँ अंकित १० करोड ५४ लाख २६ हजार रूपैयाँ बराबरको साधारण सेयर निष्कासन गरेकाे छ।
लमजुङ जिल्लाको दोर्दी गाउँपालिकाका बासिन्दा (साविकको भारते, अर्चनबोट, थीमन्ज्याङ, नौचर, पाचोक, ढोडेनी, फलेनी, बन्सार र हिमेटक्सार) का लागि निष्कासन गरिएको छ।
स्थानीयले न्यूनतम १० कित्तादेखि अधिकतम १ लाख कित्तासम्मका लागि आवेदन दिन सक्नेछन् । कम्पनीले सेयर निष्कासन गरी बाँडफाँड गर्न सिद्धार्थ क्यापिटललाई बिक्री प्रबन्धक तोकेको छ । निर्माणाधीन आयोजनाको काम अन्तिम चरणमा पुगेको छ । आयोजनाबाट बैशाखभित्र उत्पादन सुरु गर्ने कम्पनीको लक्ष्य छ ।
