ऊर्जा खबर
काठमाडौँ । सयपत्री हाइड्रो लिमिटेडले ७४ प्रतिशतका दरले हकप्रद सेयर निष्काशन गर्ने भएको छ । कम्पनीको भदौ २१ गते सम्पन्न वार्षिक साधारणसभाले शतप्रतिशत अर्थात् १ः१ को अनुपातमा हकप्रद सेयर निष्काशन गर्ने निर्णय गरेकोमा विद्युत् नियमन आयोगले भने कम्पनीलाई १ः०.७४ को अनुपातमा हकप्रद निष्काशनका लागि पूर्व स्वीकृति दिएको हो ।
स्वीकृतिपछि कम्पनीले हाल कायम चुक्ता पुँजी ३० करोड रुपैयाँको १ः०.७४ अनुपातले हुन आउने २२ करोड २५ लाख ५८ हजार ९८९ रुपैयाँ बराबरको हकप्रदेश सेयर जारी गर्ने भएको छ ।
कम्पनीले बाग्लुङको ताराखोला गाउँपालिकामा २.५ मेगावाटको दरमखोला ‘ए’ जलविद्युत् केन्द्र सञ्चालन गरिरहेको छ ।
