ऊर्जा खबर
काठमाडौं । जलविद्युत आयाेजनामा खटाउने गरी दुई कम्पनीले ५७ कर्मचारी माग गरेका छन् । ट्याक हाइड्रो कन्सल्टेन्सी र मध्य भोटेकोसी जलविद्युत कम्पनीले निर्माणाधीण तथा निर्माणको तयारीमा रहेकाे आयाेजनामा खटाउने गरी उक्त कर्मचारी माग गरेका हुन् ।
मध्य भोटेकोसीले ५३ र ट्याक हाइड्रोले ४ जनाकाे पदपूर्ति गर्न कर्मचारीको माग गरेका छन् । ट्याक हाइड्रोले १ जियोटेक्निकल इन्जिनियर, १ साइट इन्जिनियर, एक सर्वेक्षक र एक जना लेखा प्रशासकको माग गरेको छ । कम्पनीका अनुसार जियोटेक्निकल इन्जिनियरको लागि सम्बन्धित विषयमा स्नाकोत्तर तह उत्तीर्ण गरी हाइड्रो पावर क्षेत्रमा कम्तीमा पनि एक वर्ष काम गरेको अनुभव हुनपर्नेछ ।
साथै, साइट इन्जिनियरको लागि सिभिल इन्जिनियरिङ विषयमा स्नात्तक तह उत्तीर्ण गरी कम्तीमा पनि ३ वर्ष कार्यअनुभव भएको, सर्वेक्षणका लागि जियोम्याटिक्स विषयमा डिप्लोमा गरी सम्बन्धित क्षेत्रमा कम्तीमा पनि ३ वर्ष काम गरेको अनुभव हुनुपर्ने कम्पनीले जानकारी दिएको छ । यस्तै, लेखा प्रशासक लागि वित्तीय विषयमा स्नात्तक तह उर्तीण गरी कम्तीमा पनि ३ वर्ष काम गरेको अनुभव हुपर्नेछ ।
थप जानकारीका लागि ः
यसैगरी, मध्ये भोटेकोसीले निर्माणाधीन १०२ मेगावाटको मध्ये भोटेकोसीमा खटाउन ५३ कर्मचारीको माग गरेको छ । कम्पनीले ५ जना इन्जिनियर, एकजना ट्रान्सलेटर, ६ जना टेक्निसियन, ११ जना साइट टेक्निसियन, ७ जना टनेल टेक्निसियन, ८ जना सिभिल टेक्निसियन, ८ जना मेकानिकल टेक्निसियन र ७ जना इलेक्ट्रीकल टेक्निसियनको माग गरेकाे छ ।
इन्जिनियरका लागि सम्बन्धित विषयमा स्नात्तक तह उत्तिर्ण गरी सम्बन्धित क्षेत्रमा कम्तीमा ५ वर्ष काम गरेको अनुभव हुनुपर्ने कम्पनीले जनाएको छ । कम्पनीका अनुसार ट्रान्सलेटरका लागि सम्बन्धित क्षेत्रमा ३ वर्ष कार्यअनुभव भएको, टेक्निसियनको लागि साधारण लेखपढ गर्न सक्ने र सम्बन्धित क्षेत्रमा ४ वर्ष कार्यअनुभव भएको हुनुपर्नेछ । साइट टेक्निसियन, टनेल टेक्निसियन, सिभिल टेक्निसियन, मेकानिकल टेक्निसिय र इलेक्ट्रीक टेक्निसियकनका लागि सम्बन्धित क्षेत्रमा कम्तीमा ४ वर्ष काम गरेको हुनपर्ने कम्पनीले जानकारी दिएको छ ।
आवेदन दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि र पासपोर्ट साइजको फोटोसहित बुझाउनुपर्नेछ ।
थप जानकारीका लागि ः
.jpg)
